“Adlaw Sa Mga Minatay”

Flower Art Digital Painting Background By Lucy Baldwin

 

 

 

 

 

 

Mao kini ang unang
Higayun nga nakaduaw ko
Sa menteryo nga
Adlaw sa mga minatay.
Wala pay tuig sukad
Mipanaw si tatay.
Pagkahuman sa Misa
Namaktas mi padulong nganhi
Dala ang mga kandila ug posporo.
Gabii na pero
Hayag pa gihapon
Didto sa kadalanan
Kay naghuot man
Ang mga auto, motorsiklo
Ug uban pang klase
Sa sakyanan.
Naghuot pud
Ang mga katawhan
Nga nag-abot sa tunga
Sa dalan.
Ang uban namauli na,
Ang uban mubisita pa.
Murag nagfiesta gayud
Sulod sa menteryo
Sa kadaghan sa mga tao.
Tubig, juice, shake, siomai,
Manggang hilaw, mani, lechon,
Balloons, mga dulaang musiga
Ug dili musiga –
Kining tanan ania dinhi;
Murag naay nag-bertdi.
Pero kami sa akong igsuon
Nangyaka lang tupad sa
Lapida sa among amahan.
Dungan sa among inahan,
Miduko kami ug nagrosaryo.
Ug dinhi
Samtang naghabol kanamo
Ang kangitngit,
Samtang ang mga anino
Nagsayaw-sayaw sa among
Palibut,
Samtang ang uban nangaon
Ug ang uban nagtabi,
Mipiyong ako ug mihilak.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s